OLBIA

I.

OLBIA

Galliae Narbonens. urbs Camatulicorum, in ora Provinciae, inter forum Iulii 5. et Telonem 8. leuc. cuius meminerc Cicero l. 2. ad Quint. Fratr. Ep. 8. et Mela. l. 2. c. 1. Areae quibusdam. Eres, Poldo, vel, ut alii scribunt Hyeres, longitud. 27. 40. latitud. 42. 00. Nunc oppidul. in ora littorali maris Mediterranei vix 3. leuc. a Telone in Ortu, 11. a Foro Iulii in Occidentem, hinc insulae Stoechades vicinae, quarum 5. les Isles d' Hyeres,

circa quas optimum corallium, Baudrand. Huc appulit Ludovicus Rex, ex Syria reversus. Strabo tradit, Massilienses Rhodam quidem et Agatham barbaris Rhodani accolis; Taurentum autem et Oliam, et Antipolim, ac Nicaeam Salyis ac Liguribus Alpinis opposuisse: et oram a Massilia ad Varum usque promissam, loca Massiliensium habere, Taurentum, Olbiam, Antipolim, et Navale Caesaris Augusti, Forum Iulii, inter Olbiam ac Antipolim fitum. Hinc et Marciano Heracleotae Massiliensium colonia dicitur, inter Citharisten promuntor. et Argentei fluminis ostium. Stephano Urbs Ligustica dicitur, quia in agro Ligurum Gallorum a Massiliensibus condita. Proximus ei mons Olbianus. Vide Hadr. Vales. Notit. Gall.

II.

OLBIA

oppid. Bithyniae ad Propontidem, Nicaeae, et Apamiae proximum, Velia Sophiano, ubi sinus Olbianus, Melâ teste l. 1. c. 19.

III.

OLBIA

urbs Pamphyliae maritimae in Lyciae confinio inter Phaselidem ad Occasum et Attaliam ad Ortum Acopende, Moletio.

IV.

OLBIA

urbs Sardiniae. Hodie nomen in ruinis retinet, inquit Cluverius. Ab Ialo condebatur, teste Solinô, c. 4. in ora orientali, ex adverso Corsicae sita. Ulgiensis urbs Orosio, Claudian. de bello Gildon. v. 519.

Partem litoreo complectitur Olbia muro.

Vide Steph. qui nomen Olbias receniet. Baudrando etiam Ulbia, urbs fuit ampla Sardiniae, in parte Boreali et in ora Orientali Insulae. Eius ruinae nunc dicuntur Olbia rovinata, eiusque portus Golfo di Siniscola, 85. mill. pass. a Calari in Ortum, et 52. a Tibula in Ortum.

V.

OLBIA

urbs Sarmatiae Europaeae ad ostium Borysthenis fluv. teste Strabone. l. 7. a Milesiis condita, et Borysthenes quoque a fluvio cognominata. Herodotus tamen Ο᾿λβιοπολίτας a Boryst henitis Graecis diversos facere videtur, l. 4. c. 18. Vide Ioh. Marshamum Canone Chron. Sec. XVII. ubi de Graecorum Coloniis. Stepenor, vel Strapenor, teste Nigrô, longitud. 57. 00. latitud. 49. 00.